Culonna
nun mi vidi chiù
chiànciri e suffrìri
o pujiari a li toi peri
spiranzi palantruna
chi pritinnìanu
carizzi
nun mi vidi chiù
pujiari li mei spaddi
nta lu to marmu friddu
finìu
lu tempu pircantatu
di li Scinnuti nsèmmula
quannu
ascutàvamu cummossi
li noti di li morti
nun mi vidi chiù
nchiaccatu a pinnuluni
cu lu sennu sbuttunatu
davanzi a lu splinnuri
di La Prisa
cumincia nàutru tempu
pirchì la rota gira
e spissu
lu jocu di la cuda
fa la so minnitta
ti lassu Culonna
mi nfilu
nta la negghia nfuta
di lu me violu
cu lu zimmìli chinu d’amuri
pi tia
e pi dda vara a ciancu
di Nino Barone


Trovo molto interessanti i Vostri approfondimenti culturali riguardanti la storia siciliana!
Non possiamo che ringraziarla
Grazieeee
Grazie per averci offerto la possibilità di pubblicarla.