Condividi Siculomania

Culonna

nun mi vidi chiù
chiànciri e suffrìri
o pujiari a li toi peri
spiranzi palantruna
chi pritinnìanu
carizzi

nun mi vidi chiù
pujiari li mei spaddi
nta lu to marmu friddu
finìu
lu tempu pircantatu
di li Scinnuti nsèmmula
quannu
ascutàvamu cummossi
li noti di li morti

nun mi vidi chiù
nchiaccatu a pinnuluni
cu lu sennu sbuttunatu
davanzi a lu splinnuri
di La Prisa

cumincia nàutru tempu
pirchì la rota gira
e spissu
lu jocu di la cuda
fa la so minnitta

ti lassu Culonna
mi nfilu
nta la negghia nfuta
di lu me violu
cu lu zimmìli chinu d’amuri
pi tia
e pi dda vara a ciancu

di Nino Barone

Di siculomania.com

[Marco Lo Dico - www.siculomania.com] Cacciatore di storie, custode di memorie e innamorato viscerale della nostra terra. Scrivo per restituire voce ai protagonisti che hanno reso grande la Sicilia nel mondo, raccontando l'arte, la storia e la cultura dell'isola oltre i cliché. Perché la sicilitudine non è solo un'origine, ma una dichiarazione d'orgoglio e un modo fiero di guardare il mondo. 🔴🟡

4 commenti a “Culonna”

Lascia un commento

Il tuo indirizzo email non sarà pubblicato. I campi obbligatori sono contrassegnati *