Sgravami, matri, ch’è arrivata l’ura,
nesciu di lu to ventri a rispirari,
chist’aria la me vucca l’assapura…
a l’agghiurnari.
Tenimi stritta, matri, nta lu pettu,
ca si ngustiata chianciu mi cunsolu
di li minni addattannu lu to nettu…
senza chiù dolu.
Scrusciu di ciancianeddi è lu to cantu,
ni l’annacata ascutu la to vuci,
si li to vrazza su’ pi mia lu mantu…
tu si’ la luci.
di Arcangela Rizzo
Da notare:
Le tre quartine sono composte tutte da endecasillabi per i primi tre versi e da un quinario (cinque sillabe) il quarto verso.
Le rime sono alternate. Tutti i versi sono piani (terminano con l’accento sulla penultima sillaba).